ნოუთბუქის ჩანთები და ქეისები

არჩევანის გზამკვლევი

პირველი ზომა ლეპტოპის დიაგონალია, მაგრამ 15.6" ჩანთა ყველა 15.6" ლეპტოპს ერთნაირად არ უჯდება - კორპუსის სიგრძე-სიგანეს შეადარე, განსაკუთრებით თუ მოწყობილობა ძველია და სქელი. ზურგჩანთა წონას ორ მხარზე ანაწილებს და ყოველდღიური ტარებისთვის ჯობია; ხელის ჩანთა უფრო ფორმალურია, სამაგიეროდ ერთ მხარს ტვირთავს. შიდა ტიხარი უნდა იყოს რბილად ამოგებული და ძირთან ამოწეული, რომ ლეპტოპი პირდაპირ ასფალტს არ დაეჯახოს. წყალგაუმტარობა ხშირად ნიშნავს „წვიმას გაუძლებს", არა „წყალში ჩაძირვას".