დაბრუნება

დაბრუნების ვადა

ონლაინ შეძენილი პროდუქტის დაბრუნება შეგიძლია ჩაბარებიდან 14 კალენდარული დღის განმავლობაში, მიზეზის მითითების გარეშე. თუ შეკვეთა რამდენიმე ნაწილად მოგივიდა, ვადა ბოლო ნივთის ჩაბარებიდან აითვლება.

როგორ დააბრუნო

ვადის ამოწურვამდე შეგვატყობინე: მოგვწერე info@ghilaki.ge-ზე ან დაგვირეკე +995 558 434 888, მიუთითე შეკვეთის ნომერი და დასაბრუნებელი ნივთი. მიღებას ელფოსტით დაგიდასტურებთ. ნივთი შეტყობინებიდან 7 დღის განმავლობაში დაგვიბრუნე:

• მოიტანე ჩვენს ოფისში - თბილისი, დიდი დიღომი, ასმათის ქ. 56 - უფასოდ;
• ან გამოგვიგზავნე კურიერით - კურიერის მომსახურება 10 ლარია და მას მყიდველი იხდის.

პირობები

ნივთი დააბრუნე სრული კომპლექტაციით: აქსესუარებით, ინსტრუქციითა და საგარანტიო ტალონით. შესამოწმებლად შეფუთვის გახსნა შეგიძლია. თუ ნივთი შემოწმებაზე მეტად იყო გამოყენებული და ამით მისი ღირებულება შემცირდა, ეს სხვაობა დასაბრუნებელ თანხას გამოაკლდება.

თანხის დაბრუნება

თანხას სრულად დაგიბრუნებთ, სტანდარტული მიწოდების საფასურის ჩათვლით, გადახდის იმავე საშუალებით - შეტყობინებიდან არაუგვიანეს 14 დღისა. თანხის ჩარიცხვამდე შეიძლება დაველოდოთ ნივთის მიღებას ან მისი გამოგზავნის დადასტურებას.

წუნიანი ან არასწორი ნივთი

თუ ნივთი წუნიანი აღმოჩნდა ან სხვა ნივთი მოგივიდა, შეგიცვლით ახლით, ხოლო კურიერის ხარჯი ჩვენზეა. მოგვიანებით გამოვლენილი დეფექტი გარანტიის პირობებით მოგვარდება.

რა არ ბრუნდება

• პროდუქტი, რომლის ღირებულება 30 ლარს არ აღემატება;
• ლუქმოხსნილი პროგრამული უზრუნველყოფა, ციფრული კოდი ან ლიცენზია;
• ჰიგიენური ნივთი, თუ მისი დამცავი შეფუთვა გახსნილია (მაგ. ყურსასმენის ამბუშურები);
• შენი მოთხოვნით აწყობილი ან სპეციალურად შეკვეთილი პროდუქტი.

დაბრუნების განაცხადის ნიმუში

შეტყობინებისთვის შეგიძლია გამოიყენო ეს ტექსტი, ან მოგვწერო შენი სიტყვებით:

• ადრესატი: შპს „ღილაკი“, თბილისი, დიდი დიღომი, ასმათის ქ. 56, info@ghilaki.ge;
• ვაცხადებ, რომ უარს ვამბობ შემდეგი ნივთის ნასყიდობის ხელშეკრულებაზე: ...;
• შეკვეთის ნომერი და ჩაბარების თარიღი: ...;
• სახელი, გვარი და მისამართი: ...;
• თარიღი: ....