ცეცხლმედეგი კედლის ხმამაღლამოლაპარაკე - 24W (EN 54), DSPPA DSP217EN

DSP217EN არის EN54-24:2008 სერტიფიცირებული ხანძარმედეგი კედლის კოაქსიალური ხმამაღლამოლაპარაკე 100V ჩაშენებული ტრანსფორმატორით. ჩაშენებული ტრანსფორმატორი საშუალებას გვაძლევს ხმა გადავცეთ შორ მანძილზე მაღალი ძაბვითა და დაბალი დენით, ასევე დავაკავშიროთ ხმამაღლამოლაპარაკეები პარალელურად.

პროდუქტი იდეალური არჩევანია მაღალი ხარისხის საჯარო გამოცხადებისა და კრიტიკული ხმოვანი ევაკუაციის სისტემებისთვის. ხმამაღლამოლაპარაკე აღჭურვილია უმაღლესი ხარისხის კოაქსიალური დიზაინით, ცალკე 5 დიუმიანი დაბალი სიხშირეების (Woofer) და ნეოდიუმის მაღალი სიხშირეების (Tweeter) ხმამაღლამოლაპარაკეებით. სიმძლავრის შერჩევის ტერმინალები (24W/12W/6W) კი იძლევა შესაძლებლობას მოწყობილობას შევუცვალოთ სიმძლავრე და მოვარგოთ სხვადასხვა ფართობისა და ფონური ხმაურის სივრცეებს. კორპუსი დამზადებულია ABS V0 ცეცხლგამძლე პლასტმასისგან, ხოლო მედეგობასა და დაცულობას ალუმინის დამცავი ბადე (Grille) და IP54 სერტიფიკატი უზრუნველყოფს (მტვრისა და წყლის წვეთებისგან დასაცავად). ორმაგი IN-OUT კერამიკული კონექტორითა და ჩაშენებული თერმული მცველით აღჭურვილი მოწყობილობა, საიმედოდ მუშაობს სახანძრო განგაშის პირობებშიც.

მოდელი განკუთვნილია კედელზე ან თაროზე სამონტაჟოდ და მოყვება ალუმინის სამაგრი, წყალგაუმტარი ხუფი და აქვს სპეციალური საკაბელო სარქველები. პროდუქტს აქვს მარტივი, ლამაზი და მინიმალისტური დიზაინი, რაც მარტივად ერწყმის და ეხამება სხვადასხვა ტიპის ინტერიერს.